Qyzylordada jańa aialdamany jel ushyryp áketti. Shyny qondyrǵy synǵan. Oqiǵa kezinde aialdama ishinde eshkim bolmaǵan, eardap shekkender joq, - dep habarlaidy Tengrinews.kz agenttigi.
Bul oqiǵa týraly aqparat Facebook áleýmettik jelisinde "Chto? Gde? Kogda?" tobynda jariialandy.
Top moderatory Áliia Musaevanyń aitýynsha, jańa aialdama oblys ortalyǵyndaǵy sol jaǵalaýǵa ornatylǵan.
"Merdigerlerdiń sapasyz jumysy men tender ótkizý erejeleriniń saldary! Qyzmet úshin eń tómengi baǵany tańdaidy, mine, nátije. Adamdardyń bolmaǵany jáne eshkim zardap shekpegeni jaqsy boldy", - dep jazdy ol.
Qala ákimdiginiń turǵyn úi-kommýnaldyq bólimindegiler resmi jaýapta jaǵdaiǵa aýa raiynyń qolaisyzdyǵy sebep bolǵanyn atap ótti.
"Oblys ortalyǵynyń sol jaǵalaýynda ornalasqan aialdamada aqaý boldy. "ÝAD" JShS merdigerlik uiymy kepildik merzimine sáikes qalpyna keltirý jumystaryn júrgizip jatyr. Jaqyn arada bul aialdama tolyqtai qalpyna keltirilip, nátijesi qosymsha habarlanady", - dedi qala ákimdigi ókilderi.
Foto jáne video: Áliia Musaeva/facebook.com
