Qyzylordada úsh kúnnen beri habarsyz ketken 20 jastaǵy qyzǵa izdeý jariialandy, dep habarlaidy QazAqparat.
26 qyrkúiek saǵat 12.00 shamasynda belgisiz baǵytqa shyǵyp ketken 20 jastaǵy Mánsiia Edilqyzy Bolatbek sodan beri habarsyz bolyp otyr.
Ol Qyzylorda qalasynda meditsinalyq kolledjinde 3 kýrsynda oqidy.
Qazir Qyzylorda qalalyq politsiia basqarmasynyń jeke quramy boijetkendi izdep jumystaryn bastady.
Bul maqsatta oblys ortalyǵyndaǵy kópqabatty úilerdiń shatyrlary, saiajailar, tastandy úiler men qurylysy bitpegen ǵimarattar, oiyn-saýyq ortalyqtary men jaldamaly páterler tekserilýde.
Bul jumystar politsiia departamenti bastyǵynyń baqylaýynda.
«Erekshe belgileri: boiy - 155 sm, orta deneli, shashy uzyn, qara. Kigen kiimi: qońyr tústi uzyn etekti kóilek, qyzǵysh tústi hidjab kigen. Boijetken qyz jóninde qandai da bir aqparat anyqtalǵan jaǵdaida Qyzylorda qalalyq politsiia basqarmasynyń kezekshi bólimi 29-75-20 telefonyna nemese 102 arnasyna shuǵyl túrde habarlasýlaryńyzdy suraimyz», - dep málim etti Qyzylorda qalalyq politsiia basqarmasynyń baspasóz qyzmeti.
