قىزىلوردادا ٷش كٷننەن بەرٸ حابارسىز كەتكەن 20 جاستاعى قىزعا ٸزدەۋ جارييالاندى, دەپ حابارلايدى قازاقپارات.
26 قىركٷيەك ساعات 12.00 شاماسىندا بەلگٸسٸز باعىتقا شىعىپ كەتكەن 20 جاستاعى مەنسييا ەدٸلقىزى بولاتبەك سودان بەرٸ حابارسىز بولىپ وتىر.
ول قىزىلوردا قالاسىندا مەديتسينالىق كوللەدجٸندە 3 كۋرسىندا وقيدى.
قازٸر قىزىلوردا قالالىق پوليتسييا باسقارماسىنىڭ جەكە قۇرامى بويجەتكەندٸ ٸزدەپ جۇمىستارىن باستادى.
بۇل ماقساتتا وبلىس ورتالىعىنداعى كٶپقاباتتى ٷيلەردٸڭ شاتىرلارى, ساياجايلار, تاستاندى ٷيلەر مەن قۇرىلىسى بٸتپەگەن عيماراتتار, ويىن-ساۋىق ورتالىقتارى مەن جالدامالى پەتەرلەر تەكسەرٸلۋدە.
بۇل جۇمىستار پوليتسييا دەپارتامەنتٸ باستىعىنىڭ باقىلاۋىندا.
«ەرەكشە بەلگٸلەرٸ: بويى - 155 سم, ورتا دەنەلٸ, شاشى ۇزىن, قارا. كيگەن كيٸمٸ: قوڭىر تٷستٸ ۇزىن ەتەكتٸ كٶيلەك, قىزعىش تٷستٸ حيدجاب كيگەن. بويجەتكەن قىز جٶنٸندە قانداي دا بٸر اقپارات انىقتالعان جاعدايدا قىزىلوردا قالالىق پوليتسييا باسقارماسىنىڭ كەزەكشٸ بٶلٸمٸ 29-75-20 تەلەفونىنا نەمەسە 102 ارناسىنا شۇعىل تٷردە حابارلاسۋلارىڭىزدى سۇرايمىز», - دەپ مەلٸم ەتتٸ قىزىلوردا قالالىق پوليتسييا باسقارماسىنىڭ باسپاسٶز قىزمەتٸ.
