Politseiler 2022 jyldyń mamyrynda Qyzylordada úsh adamnyń ómirin qiǵan atys boiynsha kúdiktilerdi ustady, - dep habarlaidy Tengrinews.kz agenttigi oblys prokýratýrasynyń baspasóz qyzmetine silteme jasap.
Oblystyq prokýratýranyń basqarma basshysy Batyrbek Nurmaǵanbetovtiń aitýynsha, qylmystyq is aiasynda 13 adam ustalyp, olardy qylmystyq qýdalaý organdary kúdikti dep tanyǵan.
"Bul derek sotaldy tergep-tekserýdiń biryńǵai tizilimine tirkelip tergeý amaldary júrgizilip jatyr. Júrgizilgen jedel-izdestirý is-sharalarynyń nátijesinde kúdiktilerden bes qarý anyqtalyp, tárkilendi", - dedi Nurmaǵanbetov.
Tergeýdiń jan-jaqty, tolyq jáne obektivti júrgizilýin qamtamasyz etý maqsatynda 55 sot-meditsinalyq saraptama taǵaiyndalyp, qorytyndylary qylmystyq iske tirkeldi.
"Sotaldy tergep-tekserý barysynda anyqtalǵan ózge de málimetter QR Qylmystyq is júrgizý kodeksiniń 201-babynyń talabyna sáikes jariialanýǵa jatpaidy", - dep tolyqtyrdy ol.
