Foto: MKD MO
Qyzylorda oblysy boiynsha Qylmystyq atqarý júiesi departamentiniń №60 mekemesinde tyiym salynǵan zattardy ótkizý áreketi anyqtalyp, der kezinde toqtatyldy. Jazasyn óteýshige kámpit ishine jasyrylǵan esirtki zattaryn jetkizýge tyrysqan azamatsha ustaldy, dep habarlaidy Ult.kz Kazinform-ǵa silteme jasap.
- Azamatsha qaraqshylyq úshin jazasyn ótep jatqan sottalǵanǵa aq tústi 12 qaǵazǵa oralǵan kámpit pen belgisiz aq untaqty alyp kelgen. Oǵan qatysty Qyzylorda qalalyq politsiia basqarmasynyń jedel-tergeý toby shaqyryldy. Tergeý barysynda ózine tán ótkir iisi bar jasyl tústi jáne aq untaq zattar tárkilenip, sot-himiialyq saraptama taǵaiyndaldy. Saraptama nátijesinde tárkilengen zattardyń 31,99 gramm keptirilgen marihýana jáne 0,41 gramm mefedron ekeni anyqtaldy, - dep málim etti Qyzylorda oblystyq Politsiia departamentinen.
Vedomstvo málimetinshe, atalǵan derekke bailanysty áiel kisige QR Qylmystyq kodeksiniń 297-babynyń 1-bóligi boiynsha qylmystyq is qozǵaldy. Qazir sotqa deiingi tergep-tekserý jumystary júrgizilip jatyr.
Eske salsaq, budan buryn Qyzylordada zańsyz oiyn biznesin uiymdastyrǵan bes adam sottaldy.
