Qyzylorda oblysynda Reseiden kelgen stýdentke koronavirýs infektsiiasy juqqany anyqtardy, dep habarlaidy "Ult aqparat".
Jaqynda Reseiden 42 stýdent keldi. Olar arnaiy avtobýspen elge jetkizilip, test synamalaryn tapsyrdy. Stýdentter 14 kún karantinge qatań baqylaýǵa alynǵan bolatyn.
Qazirgi tańda Qyzylorda oblysynda koronavirýs diagnozy boiynsha 170 naýqas tirkeldi. Olardyń ishinde Qyzylorda qalasynda – 39, Aralda – 4, Qazalyda – 2, Qarmaqshyda – 4, Syrdariiada – 26, Shielide – 66, Jańaqorǵanda – 30 jaǵdai tirkelip otyr. Onyń 65-i syrqatynan aiyǵyp, úilerine oraldy.
Oblystyq densaýlyq saqtaý basqarmasy basshysy Jaqsylyq Abdýsametovtiń aitýynsha, sońǵy táýlikte jańadan 9 derek tirkelgen. Onyń 5-eýi – Qyzylorda qalasynan , 4-eýi– Shieli aýdanynan.
«Qyzylorda qalasynan anyqtalǵan 5 azamat indet juqtyrǵan naýqaspen bailanysta bolyp, baqylaýǵa alynǵandar. Al, Shieliden anyqtalǵan 4 naýqastyń 3-eýi — koronavirýs infektsiiasyn juqtyrǵandarmen qarym-qatynasta bolsa, 1-eýi — Resei elinen kelgen stýdentten anyqtaldy. Qazirgi tańda naýqastardyń jaǵdaiy birqalypty, emderin hattamaǵa sáikes alýda», - dedi basqarma basshysy.
