قىزىلوردا وبلىسىندا رەسەيدەن كەلگەن ستۋدەنتكە كوروناۆيرۋس ينفەكتسيياسى جۇققانى انىقتاردى, دەپ حابارلايدى "ۇلت اقپارات".
جاقىندا رەسەيدەن 42 ستۋدەنت كەلدٸ. ولار ارنايى اۆتوبۋسپەن ەلگە جەتكٸزٸلٸپ, تەست سىنامالارىن تاپسىردى. ستۋدەنتتەر 14 كٷن كارانتينگە قاتاڭ باقىلاۋعا الىنعان بولاتىن.
قازٸرگٸ تاڭدا قىزىلوردا وبلىسىندا كوروناۆيرۋس دياگنوزى بويىنشا 170 ناۋقاس تٸركەلدٸ. ولاردىڭ ٸشٸندە قىزىلوردا قالاسىندا – 39, ارالدا – 4, قازالىدا – 2, قارماقشىدا – 4, سىردارييادا – 26, شيەلٸدە – 66, جاڭاقورعاندا – 30 جاعداي تٸركەلٸپ وتىر. ونىڭ 65-ٸ سىرقاتىنان ايىعىپ, ٷيلەرٸنە ورالدى.
وبلىستىق دەنساۋلىق ساقتاۋ باسقارماسى باسشىسى جاقسىلىق ابدۋسامەتوۆتٸڭ ايتۋىنشا, سوڭعى تەۋلٸكتە جاڭادان 9 دەرەك تٸركەلگەن. ونىڭ 5-ەۋٸ – قىزىلوردا قالاسىنان , 4-ەۋٸ– شيەلٸ اۋدانىنان.
«قىزىلوردا قالاسىنان انىقتالعان 5 ازامات ٸندەت جۇقتىرعان ناۋقاسپەن بايلانىستا بولىپ, باقىلاۋعا الىنعاندار. ال, شيەلٸدەن انىقتالعان 4 ناۋقاستىڭ 3-ەۋٸ — كوروناۆيرۋس ينفەكتسيياسىن جۇقتىرعاندارمەن قارىم-قاتىناستا بولسا, 1-ەۋٸ — رەسەي ەلٸنەن كەلگەن ستۋدەنتتەن انىقتالدى. قازٸرگٸ تاڭدا ناۋقاستاردىڭ جاعدايى بٸرقالىپتى, ەمدەرٸن حاتتاماعا سەيكەس الۋدا», - دەدٸ باسقارما باسشىسى.
