Qyzylorda oblysynda aýyl turǵyndary politsiia qyzmetkerin urǵany úshin qylmystyq jaýapkershilikke tartyldy, dep habarlaidy "Ult aqparat".
Shieli kentinde politseiler «Qaýipsiz jol» jedel-aldyn alý is-sharasy kezinde kóliktiń aldyńǵy bóliginde memlekettik belgisi joq «Daewoo Nexia» avtokóligin toqtatýǵa árekettendi. Alaida júrgizýshi oǵan baǵynbai Alǵabas aýylyna qarai qashyp ketýge tyrysty. Politsiia qyzmetkerleri oǵan «Kókshoqy» eldi mekeninde atalǵan kóliktiń toqtaýyn taǵy talap etken bolatyn. Bul sátte kólik júrgizýshisi qyzmettik avtokóliktiń aldyńǵy oń jaǵyndaǵy bamperine soǵyp, sol kúii toqtamastan óziniń turǵyn úidiń aýlasyna deiin qashyp kelgen. Ol politsiia qyzmetkerlerine qujatyn berýden bas tartqan.
«Alǵabas aýylynyń birneshe turǵyny oqiǵa ornynda politsiia qyzmetkerleriniń áreketterine zańsyz aralasty. Olardyń bireýi politsiia qyzmetkerin kúsh kórsetip, oqiǵa ornynan qashyp ketken. Keiinnen úsh kúdikti qamaýǵa alyndy. Qazirgi tańda olarǵa qatysty sot qaýlysymen «kepil» túrindegi bultartpaý sharasy qoldanyldy. Atalǵan derek boiynsha QR Qylmystyq kodeksiniń 380-babynyń 1-bóligimen sotqa deiingi tergep-tekserý amaldary júrgizilýde. Onda bilik ókiline qatysty kúsh qoldaný jaǵdaiy kórsetilgen. Saraptamalar taǵaiyndaldy», - dep málim etti Qyzylorda oblystyq politsiia departamentinen.
Vedomsto málimetinshe, avtokólik júrgizýshisine qatysty QR Ákimshilik quqyq buzýshylyq týraly kodeksiniń 610-baby 1-bóligi, 611-babynyń 2-bóligimen hattama toltyrylyp, ol aýdandyq sot qaýlysymen bir jyl merzimge kólik quralyn basqarý quqyǵynan aiyryldy.
