قىزىلوردا وبلىسىندا اۋىل تۇرعىندارى پوليتسييا قىزمەتكەرٸن ۇرعانى ٷشٸن قىلمىستىق جاۋاپكەرشٸلٸككە تارتىلدى, دەپ حابارلايدى "ۇلت اقپارات".
شيەلٸ كەنتٸندە پوليتسەيلەر «قاۋٸپسٸز جول» جەدەل-الدىن الۋ ٸس-شاراسى كەزٸندە كٶلٸكتٸڭ الدىڭعى بٶلٸگٸندە مەملەكەتتٸك بەلگٸسٸ جوق «Daewoo Nexia» اۆتوكٶلٸگٸن توقتاتۋعا ەرەكەتتەندٸ. الايدا جٷرگٸزۋشٸ وعان باعىنباي العاباس اۋىلىنا قاراي قاشىپ كەتۋگە تىرىستى. پوليتسييا قىزمەتكەرلەرٸ وعان «كٶكشوقى» ەلدٸ مەكەنٸندە اتالعان كٶلٸكتٸڭ توقتاۋىن تاعى تالاپ ەتكەن بولاتىن. بۇل سەتتە كٶلٸك جٷرگٸزۋشٸسٸ قىزمەتتٸك اۆتوكٶلٸكتٸڭ الدىڭعى وڭ جاعىنداعى بامپەرٸنە سوعىپ, سول كٷيٸ توقتاماستان ٶزٸنٸڭ تۇرعىن ٷيدٸڭ اۋلاسىنا دەيٸن قاشىپ كەلگەن. ول پوليتسييا قىزمەتكەرلەرٸنە قۇجاتىن بەرۋدەن باس تارتقان.
«العاباس اۋىلىنىڭ بٸرنەشە تۇرعىنى وقيعا ورنىندا پوليتسييا قىزمەتكەرلەرٸنٸڭ ەرەكەتتەرٸنە زاڭسىز ارالاستى. ولاردىڭ بٸرەۋٸ پوليتسييا قىزمەتكەرٸن كٷش كٶرسەتٸپ, وقيعا ورنىنان قاشىپ كەتكەن. كەيٸننەن ٷش كٷدٸكتٸ قاماۋعا الىندى. قازٸرگٸ تاڭدا ولارعا قاتىستى سوت قاۋلىسىمەن «كەپٸل» تٷرٸندەگٸ بۇلتارتپاۋ شاراسى قولدانىلدى. اتالعان دەرەك بويىنشا قر قىلمىستىق كودەكسٸنٸڭ 380-بابىنىڭ 1-بٶلٸگٸمەن سوتقا دەيٸنگٸ تەرگەپ-تەكسەرۋ امالدارى جٷرگٸزٸلۋدە. وندا بيلٸك ٶكٸلٸنە قاتىستى كٷش قولدانۋ جاعدايى كٶرسەتٸلگەن. ساراپتامالار تاعايىندالدى», - دەپ مەلٸم ەتتٸ قىزىلوردا وبلىستىق پوليتسييا دەپارتامەنتٸنەن.
ۆەدومستو مەلٸمەتٸنشە, اۆتوكٶلٸك جٷرگٸزۋشٸسٸنە قاتىستى قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 610-بابى 1-بٶلٸگٸ, 611-بابىنىڭ 2-بٶلٸگٸمەن حاتتاما تولتىرىلىپ, ول اۋداندىق سوت قاۋلىسىمەن بٸر جىل مەرزٸمگە كٶلٸك قۇرالىن باسقارۋ قۇقىعىنان ايىرىلدى.
