Qyzylorda oblysynda koronavirýs infektsiiasyn qarym-qatynas arqyly juqtyrǵan naýqastardyń sany artyp tur, dep habarlaidy "Ult aqparat".
Sońǵy táýlikte óńirde 5 adamnyń qaterli indetke shaldyqqany anyqtaldy. Olardyń barlyǵy - Qyzylorda qalasynyń turǵyndary.
«Naýqastardyń tórteýi qarym-qatynas arqyly juqtyrǵan. Bireýi somatikalyq aýrýy boiynsha profilaktikalyq tekserý kezinde anyqtalyp otyr», -dep málim etti Qyzylorda oblysy sanitariialyq-epidemiologiialyq baqylaý departamentiniń baspasóz qyzmeti.
Jyl basynan beri Qyzylorda oblysynda 101 adam qaterli dertke shaldyqqan. Olardyń 54-i qarym-qatynas arqyly juqtyrsa, ol 36 adamda skriningtik tekserý nátijesinde naqtylandy. Sondai-aq, 11 jaǵdaida elimizdiń ózge óńirlerinen kelgen azamattar arqyly syrttan tasymaldanǵany belgili boldy.
Aita keterligi, Qyzylordada koronavirýsty negizinen orta jastaǵy kisiler juqtyrǵan.
Alańdatarlyǵy, Qyzylordada karantin talabyn buzyp, toi jasaityndar azaimai otyr.
