Qyzylorda oblysynda emhanalar janynan qurylǵan 161 mobildi toptyń qyzmeti tiimdiligin kórsetti, dep habarlaidy "Ult aqparat".
«Mobildi top naýqastarǵa ambýlatorly jaǵdaida meditsinalyq kómektiń qoljetimdigin qamtamasyz etý maqsatynda qolǵa alynǵan. Sondai-aq, olar dinamikalyq baqylaýdy qajet etetin naýqastardy úi jaǵdaiynda qadaǵalaidy. Sol baǵytta arnaiy toptar uiymdastyryldy. Olardyń 33-i qalada, 28-i aýdan ortalyqtarynda bolsa, 100-i eldi mekenderde halyqqa qyzmet kórsetýde. Mobildi top quramynda 1 dáriger, 1 orta býyn qyzmetkeri jáne 1 júrgizýshi bar», - dep málim etti oblys ákimdiginen.
Odan bólek, 13 shildeden bastap pnevmoniia diagnozy qoiylyp, ambýlatorly emdi qajet etetin naýqastarǵa «Úi jaǵdaiyndaǵy statsionar» qyzmeti qosyldy.
Búgingi tańda atalǵan qyzmet Qyzylorda qalasyndaǵy №1, 6, «Senim», Aral, Qarmaqshy, Jańaqorǵan aýdandary jáne «Qazaly temirjol» emhanalarynda halyqty emdeý sharalaryn júrgizip keledi.
Aita keterligi, qala basshylyǵy oblys ortalyǵyndaǵy emdeý oryndarynda qurylǵan mobildi toptarǵa qoldaý kórsetti. Olarǵa qosymsha kómek retinde ákimdikke qarasty mekemelerden barlyǵy 23 qyzmettik kólikti paidalanýǵa berdi.
