Qyzylordada jolaýshylar otyrǵan mikroavtobýs Toyota Camry avtokóligimen soqtyǵysty. Saldarynan 16 adam zardap shekti, - dep habarlaidy Tengrinews.kz.
Qyzylordanyń Politsiia basqarmasy ókilderiniń málimetinshe, oqiǵa 11 naýryzda Jeltoqsan jáne Qorqyt ata kósheleriniń qiylysynda bolǵan.
"Mercedes Benz mikroavtobýsy Toyota Camry-men soqtyǵysty. Oqiǵanyń mán-jaiy anyqtalyp jatyr, qajet saraptama taǵaiyndaldy", - deidi politsiia ókilderi.
Oblystyq jedel járdem bólimshesiniń málimetinshe, jol-kólik oqiǵasy saldarynan 16 adam zardap shekken, onyń jeteýi - bala.
"Oqiǵa ornyna jedel járdem qyzmetiniń 7 brigadasy bardy. Zardap shekkender oblystyq ortalyqtaǵy meditsinalyq mekemege jetkizildi. Meditsinalyq kómek alǵannan keiin 14 adam úiine jiberildi. Taǵy eki adam aýrýhanaǵa jatqyzyldy. Er adam oblystyq kópsalaly aýrýhanaǵa, jasóspirim oblystyq kópsalaly balalar aýrýhanasyna jetkizildi", - dedi jedel járdem ókilderi.
