Foto: Astana.tv
Qyzylordada mas kúiinde kólik tizgindegen júrgizýshi politseidi qaǵyp ketti, - dep habarlaidy "Ult aqparat" "Astana" telearnasyna silteme jasap.
Politsiia qyzmetkeri Volkswagen Touareg markaly kólik júrgizýshisin jol belgileri talaptaryn saqtamaǵany úshin toqtatqan. Alaida ol zańǵa baǵynbai qala shetindegi Qaraýyl tóbe aýylyna qashyp, kúrish alqabyna kirgen. Sol kezde qosymsha kómekke kelgen politsiia nariadynyń qyzmetkeri kólik aldynan jaiaý shyǵyp bógemek bolǵan. Ony da elemegen júrgizýshi politseidi qaǵyp, oqiǵa ornynan qashyp ketken. Kóp ýaqyt ótpei 32 jastaǵy kúdikti qolǵa tústi.
"Orta dárejeli masań kúide ekeni anyqtalyp, ýaqytsha ustaý izoliatoryna qamaldy. Avtokólik aiyp turaqta. Qazirgi tańda bilik ókiline qarsy kúsh qoldaný deregi boiynsha sotaldy tergep-tekserý amaldary júrgizilip jatyr", - dedi óńirdiń PD bastyǵynyń orynbasary.
video: Astana.tv
