Syr óńiriniń mádeniet pen rýhaniiat salasynda aýqymdy jumystar atqarylýda. 2022 jyldan beri 20 mádeniet nysany jańadan boi kóterip, el igiligine berilgen. Bul týraly oblys ákimi Nurlybek Nálibaev Ortalyq kommýnikatsiialar qyzmetiniń brifinginde baiandady.
«Óńirde mádeniet salasynda sońǵy 3 jylda 21 mádeniet nysany jańadan boi kóterdi. Onyń 9-y aýyldyq klýb, 7-ýi «Rýhaniiat ortalyqtary» jáne Anaǵa taǵzym, Otbasy, Óner ortalyqtary men oblystyq tarihi-ólketaný mýzeii.
«Aýyl – el besigi» baǵdarlamasymen biyl 2 aýyldyq klýb salynýda. Aýdandaǵy «Rýhaniiat ortalyqtarynda» mýzei, kitaphana, arhiv, neke qiiý zalyna, ardagerler men analar keńesine, jastarǵa, etnomádeni birlestikterge, úkimettik emes uiymdarǵa tolyq jabdyqtalǵan jumys kabinetteri ashyldy.
Qyzylorda qalasynda «Otbasy ortalyǵy», «Anaǵa taǵzym» ortalyǵy ashyldy. Kópfýnktsionaldy myń oryndyq «Óner ortalyǵy» shyǵarmashylyq keshter, kontsertter men qoǵamdyq is-sharalar ótetin orynǵa ainaldy.
Biyl Qyzylordanyń Qazaq AKSR astanasy bolǵanyna 100 jyl toldy. Ataýly dataǵa orai 2 mlrd. 300 mln. teńgege oblystyq tarihi-ólketaný mýzeiiniń zamanaýi jańa ǵimaraty boi kóterdi.
Assambleianyń 30 jyldyǵy aiasynda Qyzylorda qalasynda «Qazatomónerkásip» UAK qoldaýymen 3 mlrd. 800 mln. teńgege salynǵan «Dostyq úiiniń» jańa ǵimaraty jaqyn kúnderi qoldanysqa beriledi.
Mádeniet salasynyń qyzmetkerlerine kópqabatty turǵyn úi salynyp, 40 páter tabystaldy.
Jańadan simfoniialyq orkestr, inkliýzivti teatr, jastar teatry, zamanaýi bi, hor ujymdary jasaqtaldy. Syr mádenietiniń negizgi brendi, jyraýlyq dástúr ókilderiniń otaýy Jyraýlar úii ashyldy», – dedi N.Nálibaev.
Syr óńirinde mádeniet, óner jáne ádebiet ókilderin qoldaý maqsatynda «Turan» syilyǵyn jyl saiyn tabystaý dástúrge ainalǵan.
Buǵan deiin Astana, Almaty qalalarynda Qyzylorda oblysynyń mádeniet jáne óner kúnderi ótti. Biyl Abai Qunanbaiulynyń 180 jyldyǵyna orai Abai, Shyǵys Qazaqstan oblystaryna da óner sapary uiymdastyryldy.
Qyzylorda oblysynyń óner maitalmandary Naýryz merekesin, elimizdiń salt-dástúrlerin halyqaralyq deńgeide, atap aitqanda, Ispaniia, Finliandiia, Estoniia elderinde nasihattady. Ulttyq mereke Respýblika kúnine orai Shveitsariianyń birneshe qalasynda Qyzylordanyń mádeniet jáne óner kúnderi ótti.
