Qyzylordada jezókshelik qyzmet usynǵan "jeńgetailar" ustaldy, dep habarlaidy Sputnik Qazaqstan.
Politsiiaǵa demalys oryndarynyń klientterine jezókshelik qyzmet usynylatyny týraly habar túsken. Osyǵan orai Qyzylorda politsiia basqarmasynyń jedel ýákilderi qala ortalyǵyndaǵy 3 demalys ornyn tekserip, jezókshelikpen ainalysqandardy ustady.
"Qazirgi tańda sotqa deiingi tergep-tekserý amaldary júrgizilip jatyr. Tergeý barysynda oqiǵanyń tolyq mán-jaiy anyqtalady. Al jezókshelikpen ainalysqan qyzdar tirkeýge alyndy", – dep habarlady qalalyq politsiia basqarmasynyń baspasóz qyzmeti.
Aita keteri, óńirde osy jyldyń 22 qarashasynan 1 jeltoqsanǵa deiingi aralyqta "Stop trafik" jedel aldyn alý sharasy júrgizilip jatyr. Operatsiianyń basty maqsaty – adam saýdasyna bailanysty qylmystardy ashýǵa jáne eskertýge baǵyttalǵan.
