قىزىلوردادا جەزٶكشەلٸك قىزمەت ۇسىنعان "جەڭگەتايلار" ۇستالدى, دەپ حابارلايدى Sputnik قازاقستان.
پوليتسيياعا دەمالىس ورىندارىنىڭ كليەنتتەرٸنە جەزٶكشەلٸك قىزمەت ۇسىنىلاتىنى تۋرالى حابار تٷسكەن. وسىعان وراي قىزىلوردا پوليتسييا باسقارماسىنىڭ جەدەل ۋەكٸلدەرٸ قالا ورتالىعىنداعى 3 دەمالىس ورنىن تەكسەرٸپ, جەزٶكشەلٸكپەن اينالىسقانداردى ۇستادى.
"قازٸرگٸ تاڭدا سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتىر. تەرگەۋ بارىسىندا وقيعانىڭ تولىق مەن-جايى انىقتالادى. ال جەزٶكشەلٸكپەن اينالىسقان قىزدار تٸركەۋگە الىندى", – دەپ حابارلادى قالالىق پوليتسييا باسقارماسىنىڭ باسپاسٶز قىزمەتٸ.
ايتا كەتەرٸ, ٶڭٸردە وسى جىلدىڭ 22 قاراشاسىنان 1 جەلتوقسانعا دەيٸنگٸ ارالىقتا "ستوپ ترافيك" جەدەل الدىن الۋ شاراسى جٷرگٸزٸلٸپ جاتىر. وپەراتسييانىڭ باستى ماقساتى – ادام ساۋداسىنا بايلانىستى قىلمىستاردى اشۋعا جەنە ەسكەرتۋگە باعىتتالعان.
