Qyzylorda qalasynda jalǵan aqshanyń zańsyz ainalymyna qatysy bar transulttyq qylmystyq topqa qatysty sot protsesi ótti, dep habarlaidy "Ult aqparat"QR UQK baspasóz qyzmetine silteme jasap.
Vedomstvo málimetinshe, UQK jáne prokýratýra organdary birlesip júrgizgen arnaiy operatsiia barysynda Qyzylorda, Almaty jáne Óskemen qalalarynda Qazaqstan, Ázirbaijan jáne Grýziia azamattarynan turatyn qylmystyq top músheleri quryqtalǵan.
"Tergeý barysynda olardyń asa úlken kólemde joǵary sapasymen erekshelenetin jalǵan AQSh dollaryn jáne evrony Qazaqstan aýmaǵyna ákelýge jáne ótkizýge qatysy barlyǵy dáleldendi. Valiýta Túrkiiadan Qazaqstanǵa poshta arqyly jasyrylǵan kúide jóneltilip otyrǵan.
Qyzylorda oblysynyń Mamandandyrylǵan aýdanaralyq qylmystyq sotynyń sheshimimen top basshylary men músheleri transulttyq uiymdasqan qylmystyq topty qurǵandary jáne oǵan qatysqandary, sonymen qatar jalǵan aqshany ótkizgenderi úshin kináli dep tanyldy.
Kináli azamattar 9 jyldan bastap 17 jylǵa deiin uzaq merzimge bas bostandyqtarynan aiyrý jazasyna kesildi" - delingen habarlamada.
