Qyzylorda qalasynda politseiler kóshede myltyq alyp júrgen turǵyndy qolǵa túsirdi, dep habarlaidy "Ult aqparat".
Atalǵan azamatty tártip saqshylary «Qarý» jedel-aldyn alý is-sharasy barysynda ustady. Politseiler Tasbóget kentinde qala turǵynyn teksergen bolatyn. Sol ýaqytta jergilikti turǵynnyń aq tústi polietilen paketinen 2 uńǵyly nómiri joq sholaq myltyq alyp júrgeni anyqtaldy.
«Qazirgi tańda atalǵan is boiynsha Qazaqstan Respýblikasy Qylmystyq kodeksiniń 287-babynyń 3-bóligimen sotqa deiingi tergep-tekserý júmystary júrgizilýde. Onda atys qarýyn, tegis uńǵyly ańshylyq qarýynan basqa, oq dárilerdi, jarylǵysh zattardy nemese jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý jaǵdaiy kórsetilgen», - dep málim etti Qyzylorda oblystyq politsiia departamentinen.
