قىزىلوردا قالاسىندا پوليتسەيلەر كٶشەدە مىلتىق الىپ جٷرگەن تۇرعىندى قولعا تٷسٸردٸ, دەپ حابارلايدى "ۇلت اقپارات".
اتالعان ازاماتتى تەرتٸپ ساقشىلارى «قارۋ» جەدەل-الدىن الۋ ٸس-شاراسى بارىسىندا ۇستادى. پوليتسەيلەر تاسبٶگەت كەنتٸندە قالا تۇرعىنىن تەكسەرگەن بولاتىن. سول ۋاقىتتا جەرگٸلٸكتٸ تۇرعىننىڭ اق تٷستٸ پوليەتيلەن پاكەتٸنەن 2 ۇڭعىلى نٶمٸرٸ جوق شولاق مىلتىق الىپ جٷرگەنٸ انىقتالدى.
«قازٸرگٸ تاڭدا اتالعان ٸس بويىنشا قازاقستان رەسپۋبليكاسى قىلمىستىق كودەكسٸنٸڭ 287-بابىنىڭ 3-بٶلٸگٸمەن سوتقا دەيٸنگٸ تەرگەپ-تەكسەرۋ جٷمىستارى جٷرگٸزٸلۋدە. وندا اتىس قارۋىن, تەگiس ۇڭعىلى اڭشىلىق قارۋىنان باسقا, وق دەرٸلەردٸ, جارىلعىش زاتتاردى نەمەسە جارىلىس قۇرىلعىلارىن زاڭسىز يەمدەنۋ, بەرۋ, ٶتكٸزۋ, ساقتاۋ, تاسىمالداۋ نەمەسە الىپ جٷرۋ جاعدايى كٶرسەتٸلگەن», - دەپ مەلٸم ەتتٸ قىزىلوردا وبلىستىق پوليتسييا دەپارتامەنتٸنەن.
