Qyzylorda oblysynda taǵy 11 adam koronavirýsten jazylyp shyqty, dep habarlaidy "Ult aqparat".
Olardyń 5-ýi Jańaqorǵan aýdanynan bolsa, 6-ýy Qyzylorda qalasynda turady. Osylaisha Qyzylorda oblysynda indetten jazylyp shyqqandardyń jalpy sany 17 adamǵa jetti.
«Búgin, 17 sáýirde olardan dárishanalyq taldaý alyndy. Zertteý teris nátije berdi. Olardyń jaǵdaiy qanaǵattanarlyq dep baǵalandy. Jazylǵan azamattardyń barlyǵy 14 kún boiy úi jaǵdaiynda bolyp, aimaqtyq emhanalardyń baqylaýyna alynady», - dep málim etti Qyzylorda oblysynyń ákimdigi.
Esterińizge sala ketsek, Qyzylorda oblysynda búgingi kúnge deiin COVID-19 juqpaly indetine - 143 adam shaldyqqan.
Olardyń arasynan jazylyp shyqqany 17 adamǵa jetti.
