Qyzylorda oblysynda koronavirýs infektsiiasy diagnozy qoiylǵan alǵashqy naýqas jazylyp shyqty, dep habarlaidy "Ult aqparat".
Bul jóninde Qyzylorda oblystyq densaýlyq saqtaý basqarmasynyń Facebook paraqshasynan málim boldy.
Atalǵan patsient, Qyzylorda qalasynda turady. Ol 1 naýryzda Ońtústik Koreiadan kelip, 14 kúndik karantindik baqylaýda bolǵan. Karantin kezinde eshqandai ózgeris bolmaǵan. Odan keiin úi jaǵdaiyndaǵy baqylaýǵa alynǵan.
«Al 26 naýryzda aimaqtyq emhanaǵa dene qyzýymen shaǵymdandy. Tekserý barysynda atalǵan infektsiia belgileri baiqalyp, oblystyq juqpaly aýrýlar aýrýhanasyna jatqyzyldy. Naýqastan COVID-19 virýsynyń zerthanalyq taldamasy rastalyp, klinikalyq hattamaǵa sáikes em júrgizildi. Búgin, 2020 jyldyń 13 naýryzynda naýqastan eki ret qaitalama zerthanalyq taldamalary alyndy. Nátijesinde onyń organizminen virýs belgileri tabylǵan joq, qazir onyń jaǵdaiy qanaǵattanarlyq. Soǵan bailanysty ol úiine shyǵaryldy. Naýqas aldaǵy kezeńde 14 kún aimaqtyq emhananyń baqylaýyna alynady», - dep málim etti vedomstvodan.
Qazir elimiz boiynsha koronavirýs infektsiiasyn jazylyp shyqqan 110 adam bar.
