قىزىلوردا وبلىسىندا كوروناۆيرۋس ينفەكتسيياسى دياگنوزى قويىلعان العاشقى ناۋقاس جازىلىپ شىقتى, دەپ حابارلايدى "ۇلت اقپارات".
بۇل جٶنٸندە قىزىلوردا وبلىستىق دەنساۋلىق ساقتاۋ باسقارماسىنىڭ Facebook پاراقشاسىنان مەلٸم بولدى.
اتالعان پاتسيەنت, قىزىلوردا قالاسىندا تۇرادى. ول 1 ناۋرىزدا وڭتٷستٸك كورەيادان كەلٸپ, 14 كٷندٸك كارانتيندٸك باقىلاۋدا بولعان. كارانتين كەزٸندە ەشقانداي ٶزگەرٸس بولماعان. ودان كەيٸن ٷي جاعدايىنداعى باقىلاۋعا الىنعان.
«ال 26 ناۋرىزدا ايماقتىق ەمحاناعا دەنە قىزۋىمەن شاعىمداندى. تەكسەرۋ بارىسىندا اتالعان ينفەكتسييا بەلگٸلەرٸ بايقالىپ, وبلىستىق جۇقپالى اۋرۋلار اۋرۋحاناسىنا جاتقىزىلدى. ناۋقاستان COVID-19 ۆيرۋسىنىڭ زەرتحانالىق تالداماسى راستالىپ, كلينيكالىق حاتتاماعا سەيكەس ەم جٷرگٸزٸلدٸ. بٷگٸن, 2020 جىلدىڭ 13 ناۋرىزىندا ناۋقاستان ەكٸ رەت قايتالاما زەرتحانالىق تالدامالارى الىندى. نەتيجەسٸندە ونىڭ ورگانيزمٸنەن ۆيرۋس بەلگٸلەرٸ تابىلعان جوق, قازٸر ونىڭ جاعدايى قاناعاتتانارلىق. سوعان بايلانىستى ول ٷيٸنە شىعارىلدى. ناۋقاس الداعى كەزەڭدە 14 كٷن ايماقتىق ەمحانانىڭ باقىلاۋىنا الىنادى», - دەپ مەلٸم ەتتٸ ۆەدومستۆودان.
قازٸر ەلٸمٸز بويىنشا كوروناۆيرۋس ينفەكتسيياسىن جازىلىپ شىققان 110 ادام بار.
