Qyzylorda oblysynda 14 sáýirde koronavirýs infektsiiasynan ekinshi adam jazylyp shyqty, dep habarlaidy "Ult aqparat".
Bul jóninde oblystyq densaýlyq saqtaý basqarmasy habarlady. Emdelýshiniń emi tolyq aiaqtaldy. Eki márte test synamasy alyndy. Synama nátijesi kórsetkendei, naýqas dertinen tolyq aiyqqan.
Qazir elimizde koronavirýs infektsiiasynan jazylǵan 142 adam bar.
«Emdelýshi úiine shyǵaryldy. Ol Qyzylorda qalasynda turady. Emdelýshi endi 14 kún boiy aimaqtyq dárigerler baqylaýynda bolady», - dep málim etti vedomstvodan.
Aita keterligi, búgin 14 sáýirde Qyzylorda oblysynda koronavirýs diagnozy qoiylǵan naýqas tirkelgen joq. Qazir Qyzylorda oblysynda búginge deiin atalǵan aýrýǵa bailanysty diagnozy naqtylanǵan 119 adam bar.
«Eskerte ketetin jaǵdai, sońǵy táýlikte Qyzylorda oblysyna syrttan 15 azamat kelgen. Olar da baqylaýǵa alyndy. Sondai-aq, oblys boiynsha koronavirýs infektsiiasy anyqtalǵan azamattarmen bailanysta bolǵan 1489 azamat bar. Onyń 828-i naýqastarmen tikelei qarym-qatynasta, 661-i janama qarym-qatynasta bolǵandar. Barlyq azamat jiti baqylaýda tur», - dedi oblystyq densaýlyq saqtaý basqarmasynyń basshysy Jaqsylyq Abdýsametov.
