قىزىلوردا وبلىسىندا 14 سەۋٸردە كوروناۆيرۋس ينفەكتسيياسىنان ەكٸنشٸ ادام جازىلىپ شىقتى, دەپ حابارلايدى "ۇلت اقپارات".
بۇل جٶنٸندە وبلىستىق دەنساۋلىق ساقتاۋ باسقارماسى حابارلادى. ەمدەلۋشٸنٸڭ ەمٸ تولىق اياقتالدى. ەكٸ مەرتە تەست سىناماسى الىندى. سىناما نەتيجەسٸ كٶرسەتكەندەي, ناۋقاس دەرتٸنەن تولىق ايىققان.
قازٸر ەلٸمٸزدە كوروناۆيرۋس ينفەكتسيياسىنان جازىلعان 142 ادام بار.
«ەمدەلۋشٸ ٷيٸنە شىعارىلدى. ول قىزىلوردا قالاسىندا تۇرادى. ەمدەلۋشٸ ەندٸ 14 كٷن بويى ايماقتىق دەرٸگەرلەر باقىلاۋىندا بولادى», - دەپ مەلٸم ەتتٸ ۆەدومستۆودان.
ايتا كەتەرلٸگٸ, بٷگٸن 14 سەۋٸردە قىزىلوردا وبلىسىندا كوروناۆيرۋس دياگنوزى قويىلعان ناۋقاس تٸركەلگەن جوق. قازٸر قىزىلوردا وبلىسىندا بٷگٸنگە دەيٸن اتالعان اۋرۋعا بايلانىستى دياگنوزى ناقتىلانعان 119 ادام بار.
«ەسكەرتە كەتەتٸن جاعداي, سوڭعى تەۋلٸكتە قىزىلوردا وبلىسىنا سىرتتان 15 ازامات كەلگەن. ولار دا باقىلاۋعا الىندى. سونداي-اق, وبلىس بويىنشا كوروناۆيرۋس ينفەكتسيياسى انىقتالعان ازاماتتارمەن بايلانىستا بولعان 1489 ازامات بار. ونىڭ 828-ٸ ناۋقاستارمەن تٸكەلەي قارىم-قاتىناستا, 661-ٸ جاناما قارىم-قاتىناستا بولعاندار. بارلىق ازامات جٸتٸ باقىلاۋدا تۇر», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ.
