10 sáýirde tańǵy saǵat 09:00-daǵy epidemiologiialyq jaǵdai boiynsha Qyzylorda oblysynda koronavirýs infektsiiasy diagnozy qoiylǵan tórt naýqastyń ony qaidan juqtyrǵany belgili boldy, dep habarlaidy "Ult aqparat".
«Tórt naýqastyń úsheýi Shieli aýdanynyń Bala bi, Qodamanov aýyldarynan tirkeldi. Al bireýi Jańaqorǵan aýdanynda turady. Aýrý juqtyrǵandardyń ekeýi 1989, 2010 jyly dúniege kelgen er, ekeýi 1967, 1996 jylǵy áiel adamdar. Barlyǵy osy infektsiiamen aýyrǵan adamdarmen bailanysta bolyp juqtyrǵan. Qazirgi tańda naýqastarmen qarym-qatynasta bolǵan adamdar anyqtalýda. Olar der kezinde meditsinalyq baqylaýǵa alynyp, oqshaýlanyp, tekseristen ótkizilýde», - dep málim etti Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti.
Oblystyq densaýlyq basqarmasynyń habarlaýynsha, óńirde qaýipti indetti juqtyrǵandardyń sany 104-ke jetti.
10 sáýirde saǵat 9-daǵy jaǵdai boiynsha Qyzylorda oblysynda koronavirýs infektsiiasymen tirkelgender sany 104 adamǵa jetti. Onyń ishinde Qyzylorda qalasynda – 12 naýqas tirkelse, aýdandar boiynsha Jańaqorǵanda - 17, Aralda - 2, Syrdariiada - 14, Qarmaqshyda - 4, Shielide - 55 jaǵdai kezdesti.
