10 سەۋٸردە تاڭعى ساعات 09:00-داعى ەپيدەميولوگييالىق جاعداي بويىنشا قىزىلوردا وبلىسىندا كوروناۆيرۋس ينفەكتسيياسى دياگنوزى قويىلعان تٶرت ناۋقاستىڭ ونى قايدان جۇقتىرعانى بەلگٸلٸ بولدى, دەپ حابارلايدى "ۇلت اقپارات".
«تٶرت ناۋقاستىڭ ٷشەۋٸ شيەلٸ اۋدانىنىڭ بالا بي, قودامانوۆ اۋىلدارىنان تٸركەلدٸ. ال بٸرەۋٸ جاڭاقورعان اۋدانىندا تۇرادى. اۋرۋ جۇقتىرعانداردىڭ ەكەۋٸ 1989, 2010 جىلى دٷنيەگە كەلگەن ەر, ەكەۋٸ 1967, 1996 جىلعى ەيەل ادامدار. بارلىعى وسى ينفەكتسييامەن اۋىرعان ادامدارمەن بايلانىستا بولىپ جۇقتىرعان. قازٸرگٸ تاڭدا ناۋقاستارمەن قارىم-قاتىناستا بولعان ادامدار انىقتالۋدا. ولار دەر كەزٸندە مەديتسينالىق باقىلاۋعا الىنىپ, وقشاۋلانىپ, تەكسەرٸستەن ٶتكٸزٸلۋدە», - دەپ مەلٸم ەتتٸ قىزىلوردا وبلىسىنىڭ تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ.
وبلىستىق دەنساۋلىق باسقارماسىنىڭ حابارلاۋىنشا, ٶڭٸردە قاۋٸپتٸ ٸندەتتٸ جۇقتىرعانداردىڭ سانى 104-كە جەتتٸ.
10 سەۋٸردە ساعات 9-داعى جاعداي بويىنشا قىزىلوردا وبلىسىندا كوروناۆيرۋس ينفەكتسيياسىمەن تٸركەلگەندەر سانى 104 ادامعا جەتتٸ. ونىڭ ٸشٸندە قىزىلوردا قالاسىندا – 12 ناۋقاس تٸركەلسە, اۋداندار بويىنشا جاڭاقورعاندا - 17, ارالدا - 2, سىردارييادا - 14, قارماقشىدا - 4, شيەلٸدە - 55 جاعداي كەزدەستٸ.
