جامبىل وبلىسىنىڭ قورداي اۋداندىق اۋرۋحاناسىندا 60 جاستاعى ەيەل ٷش جىلدان بەرٸ جاتىر. اۋىر دەرتكە شالدىققان كەيۋانانىڭ جەكە باسى مەن تۋىستارى وسى ۋاقىتقا دەيٸن انىقتالماعان, دەپ حابارلايدى ult.kz.
«كتك» مەلٸمەتٸنشە, ەيەلدٸ اۋرۋحانا الدىنا بٸرەۋلەر ەكەلٸپ تاستاپ كەتكەن بولۋى مٷمكٸن. ونىڭ قۇجاتى دا, ناقتى مەكەنجايى دا جوق. بۇعان قوسا, بەيٸمدەۋ ورتالىقتارى قۇجاتسىز ەيەلدٸ قابىلداۋدان باس تارتقان.
دەرٸگەرلەر ٶزدٸگٸنەن جٷرٸپ-تۇرا المايتىن ناۋقاستى اۋرۋحانادان شىعارا الماي وتىر. قازٸر وعان قاجەتتٸ ەم مەن كٷندەلٸكتٸ كٷتٸم كٶرسەتٸلۋدە.
ەيەل بٸرتٸندەپ سٶيلەي باستاعان. ول بۇعان دەيٸن شارۋا قوجالىعىندا مال باققانىن ايتقان.
اۋرۋحانا باس دەرٸگەرٸنٸڭ ورىنباسارى نازگٷل توبىشاقوۆانىڭ ايتۋىنشا, ناۋقاستىڭ تۋىستارى مەن جەكە مەلٸمەتتەرٸن اقپاراتتىق جٷيەلەردەن دە انىقتاۋ مٷمكٸن بولماعان. دەنساۋلىعى اۋىر بولعاندىقتان, ونى اۋرۋحانادان شىعارۋ ەزٸرگە مٷمكٸن ەمەس.
