Jambyl oblysynyń Qordai aýdandyq aýrýhanasynda 60 jastaǵy áiel úsh jyldan beri jatyr. Aýyr dertke shaldyqqan keiýananyń jeke basy men týystary osy ýaqytqa deiin anyqtalmaǵan, dep habarlaidy ult.kz.
«KTK» málimetinshe, áieldi aýrýhana aldyna bireýler ákelip tastap ketken bolýy múmkin. Onyń qujaty da, naqty mekenjaiy da joq. Buǵan qosa, beiimdeý ortalyqtary qujatsyz áieldi qabyldaýdan bas tartqan.
Dárigerler ózdiginen júrip-tura almaityn naýqasty aýrýhanadan shyǵara almai otyr. Qazir oǵan qajetti em men kúndelikti kútim kórsetilýde.
Áiel birtindep sóilei bastaǵan. Ol buǵan deiin sharýa qojalyǵynda mal baqqanyn aitqan.
Aýrýhana bas dárigeriniń orynbasary Nazgúl Tobyshaqovanyń aitýynsha, naýqastyń týystary men jeke málimetterin aqparattyq júielerden de anyqtaý múmkin bolmaǵan. Densaýlyǵy aýyr bolǵandyqtan, ony aýrýhanadan shyǵarý ázirge múmkin emes.
