پەريزات قايراتتىڭ ناعاشى اعاسىنىڭ وتباسى دۋبايدا جالپى قۇنى 5,9 ملن دوللارعا نەمەسە شامامەن 2,67 ملرد تەڭگەگە باعالانعان جەتٸ جىلجىمايتىن مٷلٸككە يەلٸك ەتەتٸنٸ انىقتالدى, دەپ حابارلايدى ult.kz "ۆىحود ك موريۋ" تەلەگرام ارناسىنا سٸلتەمە جاساپ.
دەرەككە سەيكەس, پەتەرلەردٸڭ بارلىعى قازاقستان ازاماتى گٷلبانۋ الاشباەۆانىڭ اتىنا رەسٸمدەلگەن. ول پەريزات قايراتتىڭ اناسى عايني الاشباەۆانىڭ تۋعان اعاسى سەبيت الاشباەۆتىڭ جۇبايى.
دۋبايداعى جىلجىمايتىن مٷلٸك تٸزٸلٸمٸنە سەيكەس, الاشباەۆتار بۇل نىسانداردى 2020-2022 جىلدارى ساتىپ العان. بۇل كەزەڭ پەريزات قايراتتىڭ قوعامدىق قىزمەتٸ باستالعان ۋاقىتپەن تۇسپا-تۇس كەلەدٸ.
سەبيت پەن گٷلبانۋ الاشباەۆتاردىڭ قازاقستاندا ٸرٸ كەسٸپكەرلٸك اكتيۆتەرٸ جوق. ولاردىڭ اتىنا استانا مەن اقتٶبەدە ەكٸ جەكە كەسٸپكەرلٸك تٸركەلگەن, ال ٶزدەرٸ ريەلتور بولىپ جۇمىس ٸستەيدٸ.
باسىلىم مەلٸمەتٸنشە, گٷلبانۋ الاشباەۆانىڭ اتىنا دۋبايدا مىنا نىساندار تٸركەلگەن:
- Forte Tower II كەشەنٸندەگٸ ەكٸ بٶلمەلٸ پەتەر. اۋماعى – 116,31 شارشى مەتر. قازٸرگٸ باعاسى – 878,6 مىڭ دوللار;
- Vida Dubai Mall Tower II كەشەنٸندەگٸ بٸر بٶلمەلٸ پەتەر. اۋماعى – 74,8 شارشى مەتر. باعاسى – 750 مىڭ دوللار;
- سول كەشەندەگٸ ەكٸ بٶلمەلٸ تاعى بٸر پەتەر. اۋماعى – 105,63 شارشى مەتر. باعاسى – 1,12 ملن دوللار;
- Bellevue Towers كەشەنٸندەگٸ ٷش بٶلمەلٸ پەتەر. اۋماعى – 119,59 شارشى مەتر. باعاسى – 735 مىڭ دوللار;
- Azure Residence كەشەنٸندەگٸ اۋماعى 106 شارشى مەتر بولاتىن ەكٸ بٸر بٶلمەلٸ پەتەر. ەكەۋٸنٸڭ جالپى قۇنى – 1,65 ملن دوللار;
- Harbour Views كەشەنٸندەگٸ ەكٸ بٶلمەلٸ پەتەر. اۋماعى – 106,16 شارشى مەتر. باعاسى – 780 مىڭ دوللار.
بۇعان دەيٸن الاشباەۆاعا تيەسٸلٸ بولعان Acacia at Park Heights كەشەنٸندەگٸ پەتەر قىسقا مەرزٸمدٸ جالعا بەرۋگە شىعارىلعان. جارنامادا بايلانىس رەتٸندە ونىڭ ەلەكتروندى پوشتاسى كٶرسەتٸلگەن. بۇل پەتەردٸ وتباسى 2020 جىلى 380 مىڭ دوللارعا ساتىپ العان. كەيٸن نىسان ساتىلعان, الايدا مەمٸلەنٸڭ ناقتى سوماسى بەلگٸسٸز.
پەريزات قايراتتىڭ ٸسٸ بويىنشا 2025 جىلى سوت ونى 10 جىلعا, ال اناسى عايني الاشباەۆانى 7 جىلعا باس بوستاندىعىنان ايىرعان. سوت ولاردى Biz Birgemiz Qazaqstan قورىنىڭ 3,5 ملرد تەڭگەسٸن جىمقىرىپ, زاڭداستىردى دەپ تانىعان.
ولاردىڭ مٷلكٸ تەركٸلەنٸپ, جالپى قۇنى شامامەن 900 ملن تەڭگە بولاتىن تٶرت پەتەر, قىمبات كٶلٸكتەر, بانك شوتتارىنداعى قاراجات, ەشەكەي بۇيىمدار, برەندتٸك كيٸمدەر مەن سٶمكەلەر مەملەكەتكە ٶتكەن.
باسىلىم دۋبايداعى پەتەرلەردٸڭ كەيٸن تەركٸلەنۋٸ مٷمكٸن ەكەنٸن جوققا شىعارمايدى. سونىمەن قاتار اۆتورلار بۇل جىلجىمايتىن مٷلٸك الاشباەۆتاردىڭ ريەلتورلىق قىزمەتتەن تاپقان كوميسسييالىق تابىسىنا ساتىپ الىنۋى مٷمكٸن ەكەنٸن دە اتاپ ٶتكەن. الايدا بۇل نۇسقا ەزٸرگە راستالماعان.
