Qyzylordada kólik avtobýs aialdamasyndaǵy adamdardy basyp ketti. Saldarynan 3 adam kóz jumyp, 2 adam emhanaǵa jetkizildi, dep habarlaidy "Ult aqparat".
Oqiǵa búgin saǵat 09.15 shamasynda Nazarbaev dańǵylynda bolǵan. «Toiota Kamri» markaly avtokólik «Mercedes-Benz» kóligin sol qaptalynan kelip soqqan. Saldarynan «Toiota Kamri» júrgizýshisi kólikti basqara almai, avtobýs aialdamasynda turǵan adamdardy basyp ketken.
«Úsh adam oqiǵa ornynda kóz jumyp, 2 adam emhanaǵa jetkizildi. Kináli avtokóliktiń júrgizýshisi oqiǵa ornynda anyqtalyp, ýaqytsha ustaý ortalyǵyna qamaldy. Saraptamalar taǵaiyndaldy. Atalǵan derek boiynsha QR Qylmystyq kodeksiniń 345-babynyń 4-bóligimen sotqa deiingi tergep-tekserý jumystary júrgizilýde», - dedi oblystyq politsiia departamentiniń baspasóz qyzmeti.
