Qyzylorda oblysynda iri kólik apatynan 5 adam kóz jumyp, taǵy 6 adam zardap shekti, dep habarlaidy "Ult aqparat" Eńbek ministrligine silteme jasap.
13 qańtar kúni saǵat 14:30 shamasynda Qyzylorda-Qumkól tas jolynyń 69 shaqyrymynda «SNPS-Aidan Munai» AQ-qa tiesili «Mersedes-Benz sprinter» avtokóligi men «SPMK» JShS-ǵa tiesili «Toyota Hilux» avtokóligi soqtyǵysyp, nátijesinde oqiǵa ornynda «SNPS-Aidan Munai» AQ-nyń 1 jumyskeri jáne «SPMK» JShS 2 jumyskeri qaza tapty.
Oqiǵa ornynan «jedel járdem» qyzmeti joǵaryda atalǵan kompaniialardyńzardap shekken 8 jumyskerin qalalyq aýrýhanaǵa jetkizdi, olardyń ishinde aýrýhanaǵa barar jolda «SNPS-Aidan Munai» AQ-nyń 1 jumyskeri kóz jumdy, «SPMK» JShS-niń 1 jumyskeri aýrýhanada qaitys boldy, «Bastaý-S» JShS-niń 1 jumyskeri reanimatsiia bólimshesine jatqyzyldy, «SNPS-Aidan Munai» AQ-nyń 1 jumyskeri ambýlatoriialyq em alý úshin úiine jiberildi, qalǵan 4 jumysker aýrýhanaǵa jatqyzyldy.
JKO saldarynan jalpy 5 adam qaza taýyp, 6 adam túrli jaraqat aldy.
QR Eńbek jáne halyqty áleýmettik qorǵaý ministrligi Qyzylorda oblysyndaǵy Qyzylorda-Qumkól tas jolynda oryn alǵan, nátijesinde 5 adam qaza tapqan iri JKO-nyń mán-jailaryn tekserý úshin komissiia qurdy.
Tekserý nátijeleri týraly qosymsha habarlanatyn bolady.
