Qyzylordada Qazaq munaiynyń 125 jyldyǵy jáne munai-gaz kesheni qyzmetkerleriniń kásibi merekesi saltanatty túrde atap ótildi. Is-sharaǵa oblys ákimi Nurlybek Nálibaev, QR Parlamenti Májilisiniń depýtaty Marhabat Jaiymbetov, Energetika vitse-ministri Qudaibergen Arymbek, «QazMunaiGaz» UK AQ basqarma tóraǵasy Ashat Hasenov, sala ardagerleri men qyzmetkerleri qatysty, dep habarlaidy "Ult aqparat" Qyzylorda oblysy ákiminiń baspasóz qyzmetine silteme jasap.
Oblys ákimi Nurlybek Nálibaev munaishylardy quttyqtap, olardyń Syr óńiriniń áleýmettik-ekonomikalyq damýyna qosqan úlesin atap ótti. Sońǵy jyldary aimaqqa tartylǵan investitsiia kólemi 296,1 mlrd teńgege jetti, onyń 75,6 paiyzy jeke sektordan kelgen.
Sonymen qatar, munai kompaniialary óńirdiń áleýmettik máselelerin sheshýge belsendi atsalysýda. «QazGerMunai», «Saýts Oil», «Petro Qazaqstan Qumkól Resorsiz» jáne basqa da kompaniialar túrli áleýmettik jobalarǵa qoldaý kórsetip, qarjylai demeýshilik jasap keledi.
Merekelik jiynda sala qyzmetkerleri men ardagerler marapattalyp, olarǵa alǵys hattar men syilyqtar tabys etildi.
