Qyzylorda oblysy Qarmaqshy aýdanyna qarasty Jańajol aýyldyq okrýginde turmysy tómen, baspanaǵa muqtaj otbasylarǵa 2 jańa turǵyn úidiń kilti tabys etildi, dep habarlaidy "Ult aqparat".
Atalmysh igilikti isti aýyldyq okrýgte «Jańajol» JShS tóraǵasy Orynbasar Tólepov júzege asyrdy. Sońǵy úlgidegi talaptarmen salynǵan turǵyn úiler aýmaǵy 200 sharshy metrdi quraidy.
Atalmysh shara barysynda jańa qonys ielerine Qyzylorda oblysy boiynsha «Zeket» qaiyrymdylyq qorynyń Qyzylorda oblysyndaǵy ókili Ońtalap Jidebaev pen «Qarmaqshy Ata» meshitiniń bas imamy Jaqsybek Ábiuly da syi-siiapat jasady.
Muqtaj otbasylarǵa turǵyn úi kiltin tabys etýde aýdan basshysy Musa Qaldarbekov óz tilektestigin bildirdi.
«Qoǵamda biznestiń áleýmettik jaýapkershiligi mańyzdy oryn alady. Bul rette biznes ókilderiniń áleýmettiń osal toptaryna bir kisidei jumylyp, elimizdiń órkendeýi úshin qyzmet atqarýy mańyzdy. Búgingi igi bastamalardy júzege asyryp el yqylasyna bólengen «Jańajol» JShS alǵysymyzdy bildiremiz», - dedi aýdan ákimi.
