Qyzylordada er adam bazardaǵy oryn úshin ústine benzin quiyp jibergen, - dep habarlaidy Tengrinews.kz.
Kýágerler oqiǵa týraly Instagram jelisinde jazǵan. Jazbada keptirilgen jemis satýshylar arasyndaǵy qaqtyǵys shamamen eki kúnge sozylǵany aitylǵan.
"Daý bazardaǵy orynǵa bailanysty shyqty. Er adam kóz aldymyzda ústine benzin quiyp jiberdi. Oqiǵa ornyna quqyq qorǵaý organdarynyń qyzmetkerleri kelip, ony alyp ketti", - delingen habarlamada.
Qyzylorda qalalyq politsiia basqarmasynyń baspasóz qyzmeti ókili ustalǵan azamatqa qatysty ákimshilik quqyqbuzýshylyq týraly hattama toltyrylǵanyn aitty.
"Ózbekstan Respýblikasynyń azamaty ustaldy. Ol keptirilgen jemis satýmen ainalysady. Oǵan Ákimshilik quqyqbuzýshylyq týraly Kodekstiń 517-baby 5-bóliginde kórsetilgen Halyqtyń kóshi-qony salasyndaǵy zańnamasyn buzǵany úshin ákimshilik quqyqbuzýshylyq hattama toltyryldy. Is sheshim qabyldaý úshin Qyzylorda qalasynyń ákimshilik sotyna jiberildi", - dedi vedomstvonyń baspasóz qyzmeti ókili.
