Foto: ashyq derekkóz
Qyzylorda qalasynda balalar sportyn jáne shyǵarmashylyǵyn qoldaityn «Damý bala» platformasy arqyly qyzmet kórsetetin kásipkerlerden 88 mln teńgeden astam qarajatty jymqyrý isi boiynsha sot úkimi shyqty, dep habarlaidy Ult.kz.
Qarjylyq monitoring agenttiginiń Qyzylorda oblysy boiynsha departamentiniń málimetinshe, monitoringtik top músheleriniń biri qyzmet babyn paidalanyp, sybailasymen birge kásipkerlerden tekseris nátijelerin «oń sheship beremiz» degen syltaýmen aqsha bopsalaǵan.
Tergeý nátijesinde olardyń qolyna túsken qarajattyń bir bóligi kottedj ben avtokólik satyp alýǵa jumsalǵany anyqtaldy. Sot sheshimimen bul múlikke tyiym salyndy.
Sot úkimi boiynsha basty aiyptalýshy 6 jylǵa bas bostandyǵynan aiyrylyp, múlki tárkilenedi. Onyń sybailasy 5 jylǵa shartty túrde sottaldy.
Úkim zańdy kúshine engen joq.
