Qyzylordada búldirshin qyzǵa azǵyndyq áreket jasady degen kúdikpen er adam ustaldy, dep habarlaidy "Ult aqparat".
Málim bolǵanyndai, oqiǵa 20 shildede saǵat 21.00 shamasynda bolǵan. Bekturǵanov kóshesi boiyndaǵy kóp qabatty úidiń mańynda er adam búldirshin qyzǵa azǵyndyq áreket jasaýǵa tyrysqan.
«Bul derekke qatysty QR Qylmystyq kodeksiniń 124-babynyń 1-bóligimen sotqa deiingi tergep-tekserý amaldary bastaldy.
Kináli adam anyqtaldy. Onyń is-áreketine qatysty quqyqtyq baǵa beriledi. Qylmystyq is boiynsha qajetti sot-saraptamalary taǵaiyndalyp, keshendi tergep-tekserý áreketteri júrgizilýde», - dep málim etti Qyzylorda oblystyq politsiia departamentinen.
Departamenttiń habarlaýynsha, QR Qylmystyq-protsestik kodeksiniń 201-babynyń talaptaryna sáikes, sotqa deiingi tergep-tekserý derekterin jariia etýge jol berilmeidi.
Qylmystyq istiń tergep-tekserilýi Qyzylorda oblysy Politsiia departamenti bastyǵynyń qatań baqylaýyna alynǵan.
