Qyzylorda oblysynda koronavirýs infektsiiasy diagnozy qoiylǵan sońǵy segiz naýqastyń ony qaidan juqtyrǵany belgili boldy, dep habarlaidy "Ult aqparat".
Olardyń altaýy Syrdariia aýdanynan tirkelse, ekeýi Qyzylorda qalasynda turady. Jas shamasy boiynsha eń úlkeni 1970 jyly dúniege kelgen er adam bolsa, eń jasy - 2002 jylǵy qyz bala. Barlyǵy budan buryn koronavirýs infektsiiasymen aýyrǵan adammen qarym-qatynasta bolǵan.
«Qazir oblysta atalǵan diagnoz qoiylǵan 100 adam bar. Aýrý oshaqtarynda dezinfektsiialyq jumystar júrgizilip jatyr. Qarym-qatynasta bolǵan adamdar anyqtalýda. Búgingi kúnge deiin júrgizilgen epidzertteý nátijesi boiynsha naýqastarmen bailanysta bolǵan 1174 azamat anyqtaldy. Onyń ishinde tyǵyz qarym-qatynasta bolǵandar sany – 585, yqtimal qarym-qatynasta bolǵandar sany – 589 adam. Statsionarlarda meditsinalyq baqylaýǵa 545 adam alyndy, úi jaǵdaiyndaǵy baqylaýdaǵylardyń sany – 629 adam», - dep málim etti Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti.
9 sáýirdegi jaǵdai boiynsha aimaqta koronavirýs infektsiiasyna shaldyqqan 100 adam anyqtaldy. Onyń ishinde Qyzylorda qalasynda – 12 jaǵdai tirkelse, aýdandar boiynsha Jańaqorǵanda - 16, Qarmaqshyda – 4, Shielide – 52, Syrdariiada - 14, Aralda – 2 jaǵdai oryn aldy.
Budan buryn Qyzylorda oblysynda koronavirýs juqtyrǵan júkti áiel aman-esen bosanǵandyǵy habarlandy.
