Qyzylorda oblysy Qarmaqshy aýdanynyń 72 jastaǵy turǵynynyń máiiti Qyzylordadan tabyldy, - dep habarlaidy Tengrinews.kz.
Qýanyshqúl Ońalbaeva 2022 jyldyń 20 aqpanyna qaraǵan túni joǵalyp ketti. Ol úiden belgisiz baǵytqa shyǵyp, qaityp oralmaǵan. Ájeni izdestirý politsiia, Qyzylorda oblysy TJ departamentiniń qyzmetkerleri, eriktiler, qoǵamdyq belsendiler kúshimen júrgizildi.
"Qýanyshqúl Ońalbaevany izdeýge 5 qutqarýshy, kinolog jáne 1 birlik tehnika tartyldy. 1 naýryzda izdeý toby birneshe aýyldy aralap, motorly qaiyqqa qondy. 3 naýryzda izdeý jumystary tikushaqpen júrgizildi. Degenmen, esh nátije bolmady", - dedi Qyzylorda oblysy Tótenshe jaǵdailar departamentiniń baspasóz qyzmeti.
Politsiia áieldiń denesi qaladan birneshe shaqyrym jerde tabylǵanyn habarlady.
"Jedel izdestirý sharalaryn júrgizý barysynda Qarmaqshy aýdanynyń 72 jastaǵy turǵynynyń máiiti (kriminaldyq ólim belgileri joq) tabyldy. Ol qatyp qalǵan. Qazirgi ýaqytta sot-meditsinalyq saraptama taǵaiyndaldy", - dedi Qyzylorda qalalyq politsiia basqarmasynyń baspasóz qyzmeti.
