Foto: ashyq derekkóz
Qyzylorda oblysynyń Bala bi aýylynda áielin baltalap, múgedek etken muǵalimge qatysty sot úkimi shyqty. Sot aiyptalýshyny kináli dep taýyp, 15 jylǵa bas bostandyǵynan aiyrdy, dep habarlaidy Ult.kz.
Oqiǵa osydan úsh ai buryn tańǵy saǵat tórt shamasynda bolǵan. Tergeý derekterine sáikes, pedagog uiyqtap jatqan jubaiyna baltamen birneshe ret soqqy jasaǵan. Jaraqat alǵan 42 jastaǵy áieldi qyzy baiqap qalyp, shuǵyl kómek shaqyrǵan. Dárigerlerdiń jedel áreketi arqasynda áiel aman qalǵanymen, aýyr jaraqattardan keiin múgedek bolyp qaldy.
Sottalýshy Qylmystyq kodekstiń "Adam óltirýge oqtalý" baby boiynsha jaýapqa tartyldy. Sottyń aitýynsha, aiyptalýshy balalardyń oianǵanyn kórip, áreketin toqtatqan. Sotta onyń kinási tolyq dáleldendi.
Prokýrordyń málimdeýinshe, qylmys erli-zaiyptylar arasyndaǵy túsinispeýshiliktiń nátijesinde oryn alǵan. Jábirlenýshi úkimmen kelisti, alaida sottalýshynyń týystary jazanyń tym qatal ekenin aityp, narazylyq bildirdi.
21 jyl boiy biologiia páninen sabaq bergen sottalýshy men jábirlenýshi 11 jyl buryn shańyraq kóterip, bes bala tárbielep kelgen.
