فوتو: اشىق دەرەككٶز
قىزىلوردا وبلىسىنىڭ بالا بي اۋىلىندا ەيەلٸن بالتالاپ, مٷگەدەك ەتكەن مۇعالٸمگە قاتىستى سوت ٷكٸمٸ شىقتى. سوت ايىپتالۋشىنى كٸنەلٸ دەپ تاۋىپ, 15 جىلعا باس بوستاندىعىنان ايىردى, دەپ حابارلايدى Ult.kz.
وقيعا وسىدان ٷش اي بۇرىن تاڭعى ساعات تٶرت شاماسىندا بولعان. تەرگەۋ دەرەكتەرٸنە سەيكەس, پەداگوگ ۇيىقتاپ جاتقان جۇبايىنا بالتامەن بٸرنەشە رەت سوققى جاساعان. جاراقات العان 42 جاستاعى ەيەلدٸ قىزى بايقاپ قالىپ, شۇعىل كٶمەك شاقىرعان. دەرٸگەرلەردٸڭ جەدەل ەرەكەتٸ ارقاسىندا ەيەل امان قالعانىمەن, اۋىر جاراقاتتاردان كەيٸن مٷگەدەك بولىپ قالدى.
سوتتالۋشى قىلمىستىق كودەكستٸڭ "ادام ٶلتٸرۋگە وقتالۋ" بابى بويىنشا جاۋاپقا تارتىلدى. سوتتىڭ ايتۋىنشا, ايىپتالۋشى بالالاردىڭ ويانعانىن كٶرٸپ, ەرەكەتٸن توقتاتقان. سوتتا ونىڭ كٸنەسٸ تولىق دەلەلدەندٸ.
پروكۋروردىڭ مەلٸمدەۋٸنشە, قىلمىس ەرلٸ-زايىپتىلار اراسىنداعى تٷسٸنٸسپەۋشٸلٸكتٸڭ نەتيجەسٸندە ورىن العان. جەبٸرلەنۋشٸ ٷكٸممەن كەلٸستٸ, الايدا سوتتالۋشىنىڭ تۋىستارى جازانىڭ تىم قاتال ەكەنٸن ايتىپ, نارازىلىق بٸلدٸردٸ.
21 جىل بويى بيولوگييا پەنٸنەن ساباق بەرگەن سوتتالۋشى مەن جەبٸرلەنۋشٸ 11 جىل بۇرىن شاڭىراق كٶتەرٸپ, بەس بالا تەربيەلەپ كەلگەن.
