Qyzylorda oblysynda aýyl sharýashylyǵyn tiimdi damytý úshin Ministrlikpen kezekti et óndirisiniń zákirli kooperativ qatysýshylaryna arnalǵan «Iskerlik oiyn» formatyndaǵy oqytý seminary ótkizildi, oǵan bordaqylaý alańdarynyń basshylary, seriktes fermerler, oblystyq jáne aýdandyq ákimdikterdiń jáne qarjy institýttary filialdarynyń ókilderi qatysty.
Iskerlik oiyn 5 komandanyń qatysýymen naqty óndiristik jaǵdailardy imitatsiialaý negizinde ótkizildi. Ońtailandyrylǵan jumys ádisiniń modelin jasaý naqty qatysýshylardyń árqaisysyna belgili bir erejelerdiń sheńberinde ról atqarýǵa, sheshimder qabyldaýǵa jáne qoiylǵan maqsattarǵa qol jetkizýge múmkindik berdi. Bir oiynnyń sheńberinde qatysýshylar ońtaily sheshim tabý joldaryn is júzinde meńgerýge jáne qoldanýǵa úirený úshin birneshe basqarý tetikteri men quraldaryn engize aldy. Áleýmettik jelide tikelei efir arqyly unaǵan komandaǵa daýys berý múmkindigi boldy. Bul óz kezeginde, nátijelerdi qorytyndylaý jáne jeńimpazdy anyqtaý kezinde eskerildi.
Is-sharanyń negizgi maqsaty agroónerkásiptik keshende óndiristik tiimdilikti arttyrýǵa jáne táýekelderdi azaitýǵa arnalǵan jobalardy basqarý elementterine baǵyttaldy. Aýyl sharýashylyǵy ónimderin jobalaýdy basqarý nátijege baǵdarlanǵan basqarý júiesin qalyptastyrýdy qamtidy jáne aýyl sharýashylyǵy óndirýshisi men memlekettik organ arasyndaǵy tiimdi jumys bailanystaryn uiymdastyrýdan bastalady.
Is-sharanyń mindeti agrobiznesti zamanaýi biznes-protsesterge tartý jáne ashyq biznes-ortany qurý boldy. Osyndai is-sharalardy ótkizý aýyl sharýashylyǵy taýar óndirýshilerdiń árqaisysyna ózderiniń quzyrettiligi men bilim deńgeiin aitarlyqtai arttyrýǵa, sonyń ishinde jobalyq basqarý túsinigin keńinen paidalanýǵa múmkindik beredi.
Aýyl sharýashylyǵynyń Birinshi vitse-ministri A. Evniev atap ótkendei, iskerlik oiynnyń formaty – kásipkerler men barlyq deńgeidegi laýazymdy tulǵalar arasyndaǵy qatynastardaǵy stereotipter men kedergilerdi buzýdyń eń jaqsy quraly bolyp tabylady.
Atalǵan sharany ótkizý maqsattarynyń biri qatysýshylardyń (memlekettik organdar, biznes, qarjy institýttary) bir-birimen ózara túsinikti jáne qol jetimdi kommýnikatsiialyq qarym-qatynastyń tiimdiligin kórsetý bolyp tabylady.Jobalyq basqarýdyń osyndai elementterin engizý birlesken tabystyń negizi. Salany damytýǵa jańa kózqarasty talap etetin, Elbasy Joldaýynda kórsetilgen agroónerkásiptik keshen aldynda eńbek ónimdiligin túbegeili ulǵaitý jáne qaita óńdelgen aýyl sharýashylyǵy ónimi eksportynyń ósimin keminde 2,5 esege arttyrý mindetin oryndaý bolyp tabylady.
