Qyzylorda oblysynda oblystyq kópbeiindi aýrýhana qyzmetkerine koronavirýs infektsiiasy diagnozy qoiyldy, dep habarlaidy "Ult aqparat".
Qazir oblys boiynsha virýs juqtyrǵan 246 adam bar. Olardyń barlyǵy barlyǵy baqylaýǵa alynǵan. Al 205 adam emdelip shyqty.
«Koronavirýs infektsiiasymen 1 naýqas anyqtaldy. Ol oblystyq kópbeiindi aýrýhananyń filtr kabinetiniń qyzmetkeri. Oblys boiynsha qazirgi tańda indet juqtyrǵandardyń 50-i meditsina qyzmetkeri. Jalpy sońǵy táýlikte 12 naýqas emdelip shyǵyp, esep 200-den asty. Onyń ishinde 34-i meditsina salasynyń qyzmetkeri», - dedi oblystyq densaýlyq saqtaý basqarmasynyń basshysy Jaqsylyq Abdýsametov.
Koronavirýs infektsiiasy anyqtalǵan azamattarmen bailanysta bolǵan – 3 343 azamat, onyń tikelei qarym-qatynasta bolǵany –1 869, janama qarym-qatynasta bolǵany – 1 474 azamat.
Oblys boiynsha barlyǵy 560 synama alyndy. Nátijesinde 559-y teris mándi, 1-ýi oń mándi.
Aita keterligi, Qyzylordada búginnen bastap bazarlar ashylady.
