Akterler Dariǵa Badyqova men Oljas Abai birneshe jyl boiy perzent súie almai júrgen oraldyq otbasyǵa qoldaý kórsetken. Bul týraly jýrnalist Láilá Sultanqyzy málimdedi, dep habarlaidy ult.kz.

Jýrnalistiń aitýynsha, óner ieleri Mariyam qorynyń demeýshileri retinde erli-zaiyptynyń ata-ana atanýyna kómektesken. Jup buǵan deiin birneshe ret EKO jasatyp, sátsizdikke ushyraǵan. Keiin qordyń qoldaýymen kópten kútken sábiin baýyryna basqan.

"Bireýdiń qoldaýy bir otbasynyń ómirin ózgertip, úlken armanyn aqiqatqa ainaldyrýy múmkin", - dep jazdy Láilá Sultanqyzy.

Alaida jýrnalistiń jazbasyndaǵy «Oljas pen Dariǵanyń bópesi» degen sózdi keibir oqyrman akterlerdiń ózderi balaly boldy dep túsingen. Sultanqyzy sol jazbasynda olardyń sábili bolǵan otbasyǵa demeýshi retinde qoldaý kórsetkenin túsindirgen.

Dariǵa Badyqova kim?

Dariǵa Badyqova - qazaqstandyq aktrisa, ázil janrynyń ókili ári kinoprodiýser. Kópshilikke «Kelinder» ázil teatry arqyly tanylǵan. Sahnada jáne ekranda kúndelikti ómirdegi jaǵdailardy, otbasylyq qarym-qatynasty ázilmen jetkizetin obrazdarymen belgili.

Ol «Biznes po-kazahski» filmderine túsip, «Taptym-aý seni» romantikalyq komediiasynda basty róldi somdaǵan. Sondai-aq kino jobalaryn túsirý men prodiýserlikke aralasady.