قىزىلوردادا اۋرۋحانا قىزمەتكەرٸنەن كوروناۆيرۋس انىقتالدى

قىزىلوردا وبلىسىندا وبلىستىق كٶپبەيٸندٸ اۋرۋحانا قىزمەتكەرٸنە كوروناۆيرۋس ينفەكتسيياسى دياگنوزى قويىلدى, دەپ حابارلايدى "ۇلت اقپارات".

قازٸر وبلىس بويىنشا ۆيرۋس جۇقتىرعان 246 ادام بار. ولاردىڭ بارلىعى بارلىعى باقىلاۋعا الىنعان. ال 205 ادام ەمدەلٸپ شىقتى. 

«كوروناۆيرۋس ينفەكتسيياسىمەن 1 ناۋقاس انىقتالدى. ول وبلىستىق كٶپبەيٸندٸ اۋرۋحانانىڭ فيلتر كابينەتٸنٸڭ قىزمەتكەرٸ. وبلىس بويىنشا قازٸرگٸ تاڭدا ٸندەت جۇقتىرعانداردىڭ 50-ٸ مەديتسينا قىزمەتكەرٸ. جالپى سوڭعى تەۋلٸكتە 12 ناۋقاس ەمدەلٸپ شىعىپ, ەسەپ 200-دەن استى. ونىڭ ٸشٸندە 34-ٸ مەديتسينا سالاسىنىڭ قىزمەتكەرٸ», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ.

كوروناۆيرۋس ينفەكتسيياسى انىقتالعان ازاماتتارمەن بايلانىستا بولعان – 3 343 ازامات, ونىڭ تٸكەلەي قارىم-قاتىناستا بولعانى –1 869, جاناما قارىم-قاتىناستا بولعانى – 1 474 ازامات. 

وبلىس بويىنشا بارلىعى 560 سىناما الىندى. نەتيجەسٸندە 559-ى تەرٸس مەندٸ, 1-ۋٸ وڭ مەندٸ. 

ايتا كەتەرلٸگٸ, قىزىلوردادا بٷگٸننەن باستاپ بازارلار اشىلادى.