Qyzylorda oblysynda biznesti qoldaý úshin 54 myńnan astam kásipkerge salyqtyq jeńildik jasaldy, dep habarlaidy "Ult aqparat".
Oǵan qosa óńirdegi 8 myńnan astam kásipker mindetti áleýmettik-meditsinalyq saqtandyrý tóleminen bosatylǵan.
Jyl sońyna deiin 194 shaǵyn jáne orta biznes sýbektisi jaldaý aqysynan tólemeidi.
Sondai-aq, shamamen 9 myńǵa jýyq shaǵyn jáne orta biznes sýbektisi boiynsha 11 mlrd teńgeden astam somany quraityn qaryz tólemi keiinge qaldyrylyp, qaita qurylymdaldy.
Qyzylorda oblysynda meiramhana biznesimen 128 nysan ainalysady. Qazir olardyń kópshiligi meiramhana turaqsyz biznes ekenin túsindi.
Sol sebepti resýrstar men energiiany turaqty tabys ákeletin arnaǵa aýystyrýda.
«Máselen, óńirdegi 10 toihana qyzmetin basqa salaǵa baǵyttady. Biri balalar oiyn alańy men konditerlik ónimder óndiretin tsehyna aýystyryp jatyr. Sonymen birge sýsyndar jáne lavash shyǵarý óndiristerin iske asyrmaq. Biz bul baǵyttaǵy jumystardy basqa da kásipkerlermen de jalǵastyrýdamyz», - dedi oblys ákimi Gúlshara Ábdiqalyqova elordadaǵy Ortalyq kommýnikatsiialar alańynda ótip jatqan brifingte.
