Qyzylordada 33 qasqaldaq atyp alǵan ańshylar ustaldy, dep habarlaidy "Ult aqparat".
Aral aýdany politsiia bóliminiń qyzmetkerleri 1 qarashada reid júrgizgen bolatyn. Atalǵan shara barysynda Kishi Aral teńiziniń aimaǵynda ańshylyqpen zańsyz ainalysqan 3 azamat qolǵa tústi.
Olar mingen «Niva» avtokóligin tekserý barysynda 56 keli sazan balyǵy, 37 qus (33 qasqaldaq, qaz, úirek) tárkilendi. Sondai-aq, olardan 3 ańshy myltyǵy jáne 140 dana oq alyndy.
«Qolǵa túsken azamattardyń úsheýi de jumyssyz. Barlyǵy Aral aýdanynda turady. Tekserý barysynda olardyń qolyndaǵy ańshy myltyǵy ishki ister organdarynda tirkeýde joq ekendigi anyqtaldy. Saraptamalar taǵaiyndaldy. Atalǵan derek boiynsha QR Qylmystyq kodeksiniń 337-baby 1-bóligimen (Zańsyz ańshylyq) tergep-tekserý amaldary júrgizilýde», - dep málim etti Qyzylorda oblystyq Politsiia departamentinen.
