Qyzylorda oblysynda 17 turǵyn tótenshe jaǵdai kezinde úiinde 50-den astam adam shaqyryp toi jasaǵany úshin jazaǵa tartyldy, dep habarlaidy "Ult aqparat".
«Tótenshe jaǵdaiǵa bailanysty karantin kezinde ujymdyq, otbasylyq, barlyq jiyndarǵa, kórshi, týǵan-týystarǵa barýǵa tyiym salynǵan. Soǵan qaramastan 17 adam úilerinde sany 50-den asatyn adam jinap toi ótkizgen. Onyń ekeýi Qyzylorda qalasynda tirkelse, aýdandar boiynsha Aralda - 2, Qazalyda - 5, Qarmaqshyda - 3, Jalaǵashta - 1, Shielide - 2, Jańaqorǵanda - 2 jaǵdai kezdesti», - dedi oblystyq politsiia departamentiniń baspasóz qyzmeti.
Qyzylorda oblysy bas sanitarlyq dárigeriniń 7 sáýirdegi kezekti №7 qaýlysyna sáikes, oblys turǵyndary arasynda qaýipsizdik sharalaryn kúsheitý maqsatynda sáýirdiń 8-nen bastap túngi saǵat 00:00-den bastap turǵyndar men kólik qozǵalysyna shekteý qoiyldy. Alaida qoiylǵan talapty oryndamaǵan 28 azamat kezdesip, olardyń ruqsatsyz blokposty ainalyp ótkeni anyqtaldy. Bul jaǵdaidyń 11-i Aralda kezdesse, Qazalyda - 4, Qarmaqshyda - 1, Baiqonyr ókildiginde 12 jaǵdai tirkeldi.
Eske salsaq, Qyzylorda oblysynda qazir koronavirýs infektsiiasyn juqtyrǵan qazir 104 adam tirkelgen.
