قىزىلوردا وبلىسىندا 17 تۇرعىن تٶتەنشە جاعداي كەزٸندە ٷيٸندە 50-دەن استام ادام شاقىرىپ توي جاساعانى ٷشٸن جازاعا تارتىلدى, دەپ حابارلايدى "ۇلت اقپارات".
«تٶتەنشە جاعدايعا بايلانىستى كارانتين كەزٸندە ۇجىمدىق, وتباسىلىق, بارلىق جيىندارعا, كٶرشٸ, تۋعان-تۋىستارعا بارۋعا تىيىم سالىنعان. سوعان قاراماستان 17 ادام ٷيلەرٸندە سانى 50-دەن اساتىن ادام جيناپ توي ٶتكٸزگەن. ونىڭ ەكەۋٸ قىزىلوردا قالاسىندا تٸركەلسە, اۋداندار بويىنشا ارالدا - 2, قازالىدا - 5, قارماقشىدا - 3, جالاعاشتا - 1, شيەلٸدە - 2, جاڭاقورعاندا - 2 جاعداي كەزدەستٸ», - دەدٸ وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
قىزىلوردا وبلىسى باس سانيتارلىق دەرٸگەرٸنٸڭ 7 سەۋٸردەگٸ كەزەكتٸ №7 قاۋلىسىنا سەيكەس, وبلىس تۇرعىندارى اراسىندا قاۋٸپسٸزدٸك شارالارىن كٷشەيتۋ ماقساتىندا سەۋٸردٸڭ 8-نەن باستاپ تٷنگٸ ساعات 00:00-دەن باستاپ تۇرعىندار مەن كٶلٸك قوزعالىسىنا شەكتەۋ قويىلدى. الايدا قويىلعان تالاپتى ورىنداماعان 28 ازامات كەزدەسٸپ, ولاردىڭ رۇقساتسىز بلوكپوستى اينالىپ ٶتكەنٸ انىقتالدى. بۇل جاعدايدىڭ 11-ٸ ارالدا كەزدەسسە, قازالىدا - 4, قارماقشىدا - 1, بايقونىر ٶكٸلدٸگٸندە 12 جاعداي تٸركەلدٸ.
ەسكە سالساق, قىزىلوردا وبلىسىندا قازٸر كوروناۆيرۋس ينفەكتسيياسىن جۇقتىرعان قازٸر 104 ادام تٸركەلگەن.
