Qyzylorda oblysynyń Qylmystyq-atqarý júiesi departamentine qarasty ZK-169/5 mekemesinde aýyr qylmyspen sottalǵan azamattar kameralarǵa júrgizilgen tekserýge narazylyq bildirip, óz denelerine jaraqat salǵan, dep habarlaidy "Ult aqparat".
Polisia.kz saitynyń jazýynsha, narazylyq aktsiiasyna qatysqan úsh adamnyń bireýi kisi óltirgeni úshin, taǵy biri qaraqshylyq jasaǵany, úshinshisi densaýlyqqa qasaqana aýyr ziian keltirgeni úshin sottalǵan.
«Oqiǵa ornyna jedel tergeý toby, qoǵamdyq baqylaý komissiiasynyń ókilderi, sondai-aq oblystyq Qylmystyq-atqraý júiesi departamentiniń basshylyǵy keldi. Kelgen komissiiaǵa sottalǵandar ózderi jatqan kameralarda tintý is-sharalaryn júrgizýge, sol tekserý qorytyndysy boiynsha tyiym salynǵan zattardy paidalanǵany úshin tártiptik jaza qoldanylatynyna kelispeitinderin aitty. Ózderi salǵan jaraqatty emdeý úshin sottalǵandar Qyzylorda oblysynyń oblystyq meditsinalyq ortalyǵyna jetkizildi. Meditsina qyzmetkerleri olardy aýrýhanada emdeý qajet emestigin aitty. Atalǵan qarsylyq áreket aqparatty esepke alý kitabynda tirkelip, qyzmettik tekserý taǵaiyndaldy. Barlyq tekserýlerdiń qorytyndysy boiynsha qoldanystaǵy zańnama sheńberinde tiisti sharalar qabyldanady», - dep jazady Polisia.kz.
