قىزىلوردا وبلىسىنىڭ قىلمىستىق-اتقارۋ جٷيەسٸ دەپارتامەنتٸنە قاراستى زك-169/5 مەكەمەسٸندە اۋىر قىلمىسپەن سوتتالعان ازاماتتار كامەرالارعا جٷرگٸزٸلگەن تەكسەرۋگە نارازىلىق بٸلدٸرٸپ, ٶز دەنەلەرٸنە جاراقات سالعان, دەپ حابارلايدى "ۇلت اقپارات".
Polisia.kz سايتىنىڭ جازۋىنشا, نارازىلىق اكتسيياسىنا قاتىسقان ٷش ادامنىڭ بٸرەۋٸ كٸسٸ ٶلتٸرگەنٸ ٷشٸن, تاعى بٸرٸ قاراقشىلىق جاساعانى, ٷشٸنشٸسٸ دەنساۋلىققا قاساقانا اۋىر زييان كەلتٸرگەنٸ ٷشٸن سوتتالعان.
«وقيعا ورنىنا جەدەل تەرگەۋ توبى, قوعامدىق باقىلاۋ كوميسسيياسىنىڭ ٶكٸلدەرٸ, سونداي-اق وبلىستىق قىلمىستىق-اتقراۋ جٷيەسٸ دەپارتامەنتٸنٸڭ باسشىلىعى كەلدٸ. كەلگەن كوميسسيياعا سوتتالعاندار ٶزدەرٸ جاتقان كامەرالاردا تٸنتۋ ٸس-شارالارىن جٷرگٸزۋگە, سول تەكسەرۋ قورىتىندىسى بويىنشا تىيىم سالىنعان زاتتاردى پايدالانعانى ٷشٸن تەرتٸپتٸك جازا قولدانىلاتىنىنا كەلٸسپەيتٸندەرٸن ايتتى. ٶزدەرٸ سالعان جاراقاتتى ەمدەۋ ٷشٸن سوتتالعاندار قىزىلوردا وبلىسىنىڭ وبلىستىق مەديتسينالىق ورتالىعىنا جەتكٸزٸلدٸ. مەديتسينا قىزمەتكەرلەرٸ ولاردى اۋرۋحانادا ەمدەۋ قاجەت ەمەستٸگٸن ايتتى. اتالعان قارسىلىق ەرەكەت اقپاراتتى ەسەپكە الۋ كٸتابىندا تٸركەلٸپ, قىزمەتتٸك تەكسەرۋ تاعايىندالدى. بارلىق تەكسەرۋلەردٸڭ قورىتىندىسى بويىنشا قولدانىستاعى زاڭناما شەڭبەرٸندە تيٸستٸ شارالار قابىلدانادى», - دەپ جازادى Polisia.kz.
